El http://www.esperanto.net/info/baza/oc_eo-baza.html :

....................................................................................

L'esperanto, qu'es aquò ?

Es una lenga creada per far mai aisida la comunicacion entre los pòbles de la tèrra. Al cap de cent ans d'usatge, l'esperanto es vengut una lenga viventa, capabla de dire totes los matisses de la pensada umana.

Neutrala e internacionala

I a pas cap de païs o de pòble que siá, tot sol, proprietari de l'esperanto. Donc, aqueste carreja pas cap de cultura mestrejanta o susceptibla de suplantar las autras. L'esperanto apertén egalament a totas las personas que lo parlan e es tanben un bon camin entre totas las culturas.

Plan aisida

Per sa gramatica simpla e logica, per lo caractèr internacional de son vocabulari, per sa subtila manièra de bastir un fum de mots en utilizant pauc de rasics, l'esperanto es una de las lengas mai aisidas a aprene. I a d'estudis scientifics qu'an mostrat qu'aquela lenga pòt èstre detz còps mai aisida a aprene que quina autra que siá.

Per qué te pòd servir l'esperanto?

Per aver d'amics pertot sur la tèrra, en correspondent amb joves de païses plan luènh. Se voles viatjar, podrás profitar de Pasporta Servo que te balha un lotjament gratuit en cò de personas que parlan l'esperanto, dins mai de 70 païses.
Per participar a d'amassadas d'esperantofònes, dins ta vila o ton païs, mas tanben al nivèl internacional, dins los Congrèsses Mondials d'Esperanto, dins los Congrèsses Internacionals de la Juventut e dins los autres encontres internacionals de joves esperantistes; aquò se fa dins de païses plan variats e balha una experiéncia unica a sos participants, que son de milièrs.
Per conéisser culturas de luènh e far conéisser la tieuna al nivèl internacional. I a en esperanto una literatura ja importanta -originala e revirada- que ten de crescut. I a tanben fòrça revistas e emissions radiofònicas regularas.

Consí aprene l'Esperanto?

Corses - I a plan de possibilitats. Om pòd començar amb corses balhats dins los clubs locals, mas tanben per correspondencia, o en s'ajudant de manuals per autodidactes.

Consí prene contacte - En t'adreçant a un grop de ta localitat o a l'organisacion nacionala de ton païs, o a TEJO, la Associacion Mondiala de Joves Esperantistes, qu'a de membres dins mai de cent païses.

.....

Adreças : Centre Culturel Espéranto de Toulouse
Espéranto-France (Association nationale française)
Espéranto-Jeunes (Branche jeunesse)
Sat-Amikaro (Travailleurs en Francophonie... - Service de presse)

http://oc.wikipedia.org/wiki/Esperanto

http://fr.groups.yahoo.com/group/EsperantOC/?tab=s

------------------------------------------------------------

CATALA :

Aspectes linguistics de l'esperanto (John WELLS) :

http://www.esperanto.cat/web/Aspectes-linguistics-de-l?lang=ca

http://br.groups.yahoo.com/group/parlar_occitan/message/5590

]